Ég skal segja ykkur hvert þið getið troðið flödeskumminu ykkar

Það gat nú verið. Bölvaðir baunarnir fara þetta á einhverri yfirnáttúrulegri heppni þarna í lokin. Hvaða mannvonska er það að boltinn skuli fara í innanverða stöng hjá Petterson, en í samskeytin inn hjá þessu Madsen skrímsli? Maður veit ekki. Ég þoli ekki að horfa upp á Íslendinga tapa, þá sérstaklega fyrir Dönum. Ég ætla innilega að vona að þessir helvítis Hummelklæddu hrognmæltu hórusynir tapi fyrir Pólverjum.

Kokkurinn við kabyssuna stóð fallera

Þvílík helgi, þvílíkt blót. Ég hef ekki farið á þorrablót á Djúpavogi síðan 2003 held ég. Þetta var náttúrulega bara snilld. Ég fékk nú smá fréttayfirlit áður en ég fór á blótið, þannig að ég skildi nánast öll atriðin. Ef ekki, þá spurði maður bara næsta mann. Þetta var eins og það gat best verið. Hermt var eftir körlum og konum og a.m.k. einn laglaus í hverju söngatriði. Þannig á þetta auðvitað að vera.Ekki tók verra við þegar blótinu lauk, því þá ruddist Jón Arngríms og Nefndin upp á svið og lék fyrir dansi. Það var ekkert sérstaklega leiðinlegt að dansa kokkinn.Það var heldur verra sem gerðist að loknu balli og í eftirteiti sem ég fór í. Teitin var hjá Sævari í Röðli og það byrjaði ekki betur en svo að Jón Einar, litli bróðir hans Bigga Thorberg togaði eitthvað í mig. Hann þurfti að eiga við mig orð, en ég heyrði ekki í honum. Þá togaði hann fastar, svo ég tæki kannski eftir. Mér varð einhver fótaskortur og hrasaði með höfuðið á innstungu og blóðgaði mig. Það fór nú svo vel að Ingunn Gunnlaugsdóttir og Ari Guðjónsson (mig minnir að það hafi verið þau) gerðu að sárum mínum og settu plástur á augabrúnina.Maður er auðvitað aðeins marineraður ennþá, en kannski sefur maður það endanlega úr sér í nótt. Það er ekki nokkur spurning að maður fer hér eftir á hverju ári.

Auðkennislykill, smauðkennislykill og Magic spil vikunnar #2

Í gær fékk ég auðkennislykil inn um bréfalúguna. Með þessum lykli eru bankarnir að segja "Allt sem við fullyrtum um öryggi netbanka þegar þú keyptir þá þjónustu var lygi. Með þessum lykli ertu nú loksins öruggur."Einmitt það.Magic spil vikunnar er snemma á ferðinni vegna þess að á morgun er ég að fara austur á Djúpavog. Markmiðið er að blóta Þorran rækilega. Magic spil vikunnar er Ágústa Eva/Silvía Nótt. Ég glápti á dögunum á hlustendaverðlaun íslenska landsliðsins í ógeði (A.k.a. FM957) og þar fór Silvía Nótt á kostum, þó svo að söngurinn hafi verið á teipi.Til að skoða öll Magic spil vikunnar er hægt að smella á MAGIC tengilinn í vafrastikunni fyrir neðan hausmyndina.

Tilboðsgerð og áætlanagerð

Í mínu starfi (sem viðskiptaráðgjafi) þarf maður stundum að gera fyrirtækjum tilboð í verkefni. Tilboðunum þarf gjarnan að fylgja einhverskonar verkáætlun, þar sem tímar eru áætlaðir á verkið. Hljómar skynsamlega, ekki satt? Hef ég verið undanfarið að gera tilboð í frekar stórt verkefni, þar sem verkáætlunin er löng. Stóð ég þá sjálfan mig að því að áætla hvað færi langur tími í að áætla tíma á verkið - og það var alls ekki stuttur tími. Þannig að það er alveg spurning hver á að bera kostnaðinn af framkvæmd tímaáætlunar við áætlun tíma á verk. Mér fannst eiginlega að stéttarfélag kontórista ætti að ráðleggja mér um þetta. Það stéttarfélag er ekki til, þannig að ég stofnaði það í dag. Stofnfundur stéttarfélags kontórista ályktaði svo að tímaáætlun framkvæmdar tíma- og verkáætlunar væri ómannúðleg, siðlaus og tilgangslaus.Boðskapur þessarar sögu er: Í stafrófsröð: Enginn.Af hverju ætli þessi bók sé ekki kennd í Guðfræði á Íslandi? (Skoða höfundinn)

Fáheyrð en marghlustuð

Sum lög sem maður heyrir í útvarpinu og hljóma stundum undir í kvikmyndum eru þannig úr garði gjörð að fáir í raun og veru vita hvað þau heita og þá enn síður hver flytur þau. Ófá lögin hef ég sjálfur þurft að googla eftir að hafa heyrt þau í mynd eða sjónvarpsþætti, einfaldlega vegna þess að maður er með þau á heilanum.Í hverri viku ætla ég að skella hér á journalinn einu lagi sem flestir ef ekki allir myndu kannast við ef þeir heyrðu það, en myndu hvá við titli og flytjanda. Semsagt - fáheyrð en marghlustuð lög.Það fyrsta er með Booker T. & the MG's og heitir Green Onions. Lag sem eflaust allir hafa hlustað einhverntímann á, en ekki alveg verið með á hreinu hver spilaði. Lögin verða fáanleg til niðurhals hér á vefdagbókinni minni í "Skráar"-hlutanum.Smelltu hér til að hlusta

French toast

Það má með sanni segja að Frakkar hafi verið grillaðir í gær. Ég er nú ekki ennþá að trúa þessu, að Íslendingar hafi hreinlega valtað yfir Evrópumeistarana í handbolta. Hef ég einhvern grun um að annaðhvort hafi þeim verið byrluð smjörsýra (stelpan sem göndlaði Byrgis-Bósa átti svo mikinn afgang) eða þá að þeim hafi verið mútað. Svo lélegir virtust þeir. Kannski voru Íslendingar bara svona hrikalega góðir. Allavega, þá var fyrri hálfleikur ein flottasta niðurlæging sem ég hef séð.

Áfram Ísland

Nú þýðir ekkert annað en að spila eins og enginn sé morgundagurinn. Ég er að hlusta á þjóðsöng Frakka núna. Ég vona að Frakkar eigi jafn slæman dag í handbolta eins og í söng, jesús minn.Annars var ég að horfa á Kompás þáttinn frá því í gær. Kompásmenn lögðu á dögunum svona net-tálbeitu inn á einkalífsvefinn, eins og þeir gerðu í fyrra. Reyndar skilst mér að þetta hafi verið tvær tálbeitur, strákur og stelpa á 13. ári. Jæja, ekki leið á löngu þar til einhverjir pedófílar svöruðu á netinu og viti menn, var það ekki einhver öfugugginn, sem ennþá er að afplána dóm sem mætti á svæðið? Jú, það var svo sem auðvitað. Gott að vita af því að þessir barnaníðingar gangi bara lausir í Reykjavík. Í einhverju varðhaldi sem heitir Vernd. Veit ekki með þetta. Nú eru Íslendingar komnir í 3-0 en þá koma helvítis dönsku dómararnir og klúðra málunum. Vonum það besta.

Andskotans

Hvað þoli ég ekki? Þegar bíllinn minn bilar. Helvítis Nissan ógeð. Nissan Primera GX 1600 týpurnar eru ekki bílar, heldur illa hönnuð og heimskuleg tæki sem kannski má nota til ferðalaga í ítrustu neyð. Til að bæta gráu ofan á svart, þá er kuldinn úti þannig að ég var helkalinn á tánum við að reyna að gera við kvikindið. Aldrei getur þetta bilað þegar veðrið er boðlegt.
Sit hérna og horfi á íslenska handboltalandsliðið skíta upp á bak eins og venjulega á meðan ég reyni að orna mér. Ég er orðinn hundleiður á aumingjaskapnum í þessu blessaða landsliði. Maður er farinn að skammast sín álíka mikið og fyrir fulltrúa okkar í Eurovision keppninni. Guðjón Valur og Snorri Steinn eru einu mennirnir sem geta eitthvað í þessu liði. Ólafur Stefánsson var svo lélegur að það þyrfti helst að finna upp nýtt lýsingarorð til að gefa fólki einhverja hugmynd um það. Ég fer fram á formlega afsökunarbeiðni frá RÚV, Alfreð Gíslasyni, öllu liðinu og Bogdan Kowalszyk (Bogdan, ég veit hvar þú átt heima).
Jæja, best að hætta að tuða. Sá myndband í morgun þar sem Guðmundur Jónsson, fyrrverandi forstöðumaður Byrgisins er bundinn á höndum, keflaður og settur í einhverskonar víbrandi eistnafjötra . Í framhaldi af því er kappanum gefin raflost í rasskinnarnar og svo er hann bara göndlaður í endaþarminn. Og hver skyldi vera þar að verki? Stúlkan sem kærði hann. Athyglisvert, svo ekki sé meira sagt.

Magic spil vikunnar

Jæja, ætli sé ekki best að brydda upp á einhverjum skemmtilegheitum í kjölfar útlitsbreytinga. Báðir tveir lesendur þessa bloggs hafa hrósað mér fyrir þau magic spil sem ég hef búið til og sett inn. Magic spil þessi byggja á safnkortaspilinu Magic the Gathering. Þau spil sem ég mun pósta hér eiga sér ekki stoð hjá framleiðendum Magic the Gathering, þ.e. Wizards of the coast, heldur eru þau hugsmíð mín. Mun ég á föstudögum birta magic spil vikunnar, sem mun lýsa mönnum og málefnum þeirrar viku sem um getur.Magic spil vikunnar er: Guðmundur Jónsson í ByrginuTil að skoða Magic spil vikunnar er hægt að smella á MAGIC tengilinn í vafrastikunni fyrir neðan hausmyndina.

I'm Spartakus

Það er alveg með ólíkindum hvað mér tekst illa upp með að blogga þessa dagana. Tvisvar hef ég verið búinn að skrifa einhvern hrikalegan texta, en þá kemur upp server error in application. Ekki gott. Til að bæta gráu ofan á svart, þá breytti ég óvart útliti bloggsins og gleymdi að vista css af gamla útlitinu. Það er frábært.Þar sem þetta er fyrsta blogg ársins, þá ætla ég að gera upp síðasta ár í stuttu máli. Síðasta ár var gott fyrir Borat, Youtube, Wikipedia og okkur Þóru. Árið var frekar slæmt fyrir Zinedine Zidane, Saddam Hussein og Guðmund í Byrginu.Best að taka lífinu með ró og pósta tveimur línum sem eru mér ofarlega í huga þessa dagana. Í bbc útvarpsuppfærslu af Hitchhiker's guide to the galaxy er lína sem er sögð og leikin með svo mikilli sannfæringu að það er miklu meira en snilldin ein. Þegar kasta á Arthur Dent og Ford Prefect úr geimskipi Vogonanna, þá kemur eftirfarandi sena:Arthur: You know it's at times like this, when I'm trapped in a Vogon airlock with a man from Betelgeuse and about to die of asphyxiation in deep space, that I really wish I'd listen to what my mother told me when I was young.Ford: Why, what did she tell you?Arthur: I don't know, I didn't listen.Windows Vista kemur í hillurnar 30. janúar. Af því tilefni minnist ég skilaboða sem ég sá einhvern tímann á spjallþræði:They say if you play a Microsoft CD backwards, you hear satanic messages. That's nothing. If you play it forwards, it installs Windows.Ég ætla að hressa betur upp á útlit bloggsins og jafnvel blogga meira í tilefni þess.